Zyt isch Gägewart
Säube n‘Abe, wo Ueli vo Burtlef hei tschaupet isch, het ‘s no mängs
z‘ brichte gäh, weder, mi isch du angäns ungere.
Am angere Morge, wo dr Wecker sächsi gumpet het, isch Ueli uftschäderet.
Aer het ds Löifterli zum Gring usghauset, u het taget ob ‘s guggi. Dr nah
het är d ‘Stäge agleit u isch d ‘Hose abgsprunge. Dunger het ihm d‘Latärne
gseit, är söu dr rot-tschägget Meischter näh, das roschtige Chaubli wöu
angäns chuele.
Wo‘n är use chunnt, steit d'Fährlimohre sperranguwyt offe u d‘Söistautüre
isch ir Hoschtet ume gcheibet. Gly druf het är du i d'Chäserei müesse. Aer
het dr Hoger a Rügge bunge u, Türe a ‘ds Hingere gstüpft, dr Hung
zuegschlage u isch d‘Bränte abgloffe. Wo-n är umechunnt, het me grad
chönne z‘Morge ässe. D‘Mischtbäre isch no im Bett gläge, u d‘Magd hei
d‘Nachtbuebe uf e Bireboum ufe ghänkt gha. Aer het grad dr Räschte Gschirr
im Muu gha u d‘Mueter het d‘Rösti abgwäsche wo‘s gchlopfet het. Wär steit
voruss? Sädubachs Miggu vo dr Chrüzbode Chlapfhöchi u fragt, ob me äch die
drü Fueder Räge nid wöu a Schärme steue? Es höji dusse was abe mögi. Dr
nah isch me no schnäu i Jass übere ga dr Bärewirt chlopfe. Wo‘s du angäns
haubi zwöufi torgglet het, isch me du hei zue gschlage. Dächchänu hei
gmöögget u d‘ Chatze hei tropfet. Dr Mond isch am zämegheie gsy u
d‘Schyterbige het ganz verschmitzt hinger de Wulche füre glachet.
Zum Seitenanfang der aktuellen Seite
Accesskey
Letzte Änderung
16.10.2011